Майыптуулугу бар адамдарга реабилитациялоо борборун ачкан Нурлан Жоробеков

Талас облусунун Көк-Ой айылынын тургуну Нурлан Жоробеков он беш жыл мурда мүмкүнчүлүгү чектелген балдарды реабилитациялоо борборун ачкан. Буга Нурландын майып уулун жалгыз тарбиялап, анын жана ал сыяктуу балдардын жашоосун жеңилдетүү максаты себеп болгон. Акыркы жылдары борбордо спорт залы ачылып, мында келгендер спорт менен машыга баштады.